Internet ta un influencia awendia, compara cu antes y e hendenan ariba caya ta mas activo cu droga. E no ta un taboe mas. Sra. Rulienne Arends, trahado preventivo di FADA ta amplia ariba FADA su maneho pa cu esaki.
FADA tin algun plan caba pa 2019, vooral traha un poco mas di cerca cu CAA, cu ta e parti di guia. FADA ta e parti preventivo. Cierto informacion FADA ta haya, pero CAA ta cu e hobennan diariamente. Nan ta bay un tiki mas leu cu e uzo di droga, pa wak unda e problema ta cuminsa, unda cu tin plannan pa 2019, pa loke ta trata e mayornan.
FADA tur aña ta wordo yama door di companianan pa bay duna charla of mayornan ta bin oficina di FADA, ya cu nan ta preocupa pa nan yiu of preocupa pa e uzo di droga cu ta birando mas grandi na Aruba. Pero nos enfoke ta keda semper e mayornan. Un forma pa yega na nan mas lihe, cu no ta via trabao. E no ta facil, y por compronde e situacion di cada famia, unda cu mayornan ta traha mas cu dos trabao. Tin hopi factor ta hunga un rol rond di e hoben awendia. Esey ta dificil pa compronde, cu no ta solamente cu e mayornan no t’ey, pero si e mayor mes ta uza un tipo di substancia, e mucha ta wak e ehempel cu e mayor ta duna.
Aunke cu tecnologia ta otro awendia, ta via di esaki e hobennan ta haya mas informacion, Sra. Arends ta bisa cu e ta un tarea poco dificil. Sigur FADA ta reach e mayornan cu di un manera of otro ta uza pa cualkier motibo. FADA ta purba di dunanan guia. Mayornan cu no ta uza of nunca no a uza niun tipo di substancia, mester gara esakinan tambe, pa wak y si nos hobennan haya e toolsnan cu nan mester, aworaki nan lo por lanta adultonan cu por tuma decision corecto. esaki a pesar cu rond di nan e situacion no ta facil.
FADA ta sigui purba, e no ta facil. Pero nan lo bin cu algun plannan. Y recientemente nan a haya yamada di un mayor preocupa, pero cu ta contento cu loke FADA ta bezig cun’e. Si e ta preocupa cu e ehempel cu e hobennan ta haya den nan omgeving. Actualmente FADA ta bezig cu’n encuesta pa hinca varios punto aden, pa loke ta full comunidad y cual FADA ta bezig cun’e y lo por bin den e Censo 2020. E encuesta ta pa FADA por haya mas informacion pa nan por bin cu otro tipo di charla, otro manera pa approach e situacion cu tin actualmente. Te asina leu, Sra. Rulienne Arends, trahado preventivo na FADA.