Sr. Danilo Prescott di Bureau City Inspector, a elabora tocante un dump ilegal cu a bin haya banda di un sitio caminda ta contruyendo un edificio nobo.
Na e sitio aki, no a haya solamente sushedadnan di construccion, sino sushedadnan di cas tambe manera ramanan di mata di coco y matrasnan. Nan a combersa cu e doño di e tereno, kende a laga sa cu e lo haci e sitio limpi riba su propio costo. A pidi pa mantene e sitio limpi. Parkietenbos ta gratis. E mesun esfuerso cu ta haci pa trece sushanan na un sitio cu no ta permiti pa pone sushi por uza pa hiba e sushinan Parkietenbos.
Sr. Prescott ta splica cu comunidad mester compronde cu tin ley cu mester cumpli cune. E ta sinti cu hopi den comunidad kier haci cosnan mas facil dor di susha propiedadnan y dañando medio ambiente. E ta haci yamada na comunidad pa mantene nan luganan limpi y evita cu multanan halto cay. Tambe si bisiñanan mira actividadnan iregular asina, por tuma contacto cu Tel. 5829777.
Tambe sr. Prescott ta splica cu tin hopi kehonan drentando no solamente pa City Inspector, sino tambe pa diferente otro departamentonan manera DOW, DNM y DLV. Den casonan asina, e ta sugeri cu tin un baki di sushi pa tira tur cos afo di biaha, pero e problema tambe ta sinta cu bisiñanan cu ta probecha pa yena e baki sushi cu nan propio sushedadnan cu consecuencia cu e ta yena.