E no ta un bista regular, pero e bista di candela riba dump atrobe de bes en cuando ta hala atencion y esaki ta e caso diamars mainta tambe.
Diferente gobierno den ultimo decada sigur a priminti un solucion cu e candela riba dump cu ta causa molester pa e bario den cercania. A papia hopi pasobra no por muda henter un bario pero si por busca solucion pa e dump.
E candela na momento cu e ta bay direccion di lama no ta un molester pa habitantenan, pero asina cu biento bira nan ta sinti e molester.
Pero hopi biaha e problema riba dump no ta cu e ta un candela oficial, pero personanan desconoci ta cende un candela. No ta conoci si e biaha aki esey ta e caso.