Despues di e temporada di vacacion escolar, Aruba Triathlon Association ta sigui cu nan calendario cu varios actividad planifica pa tur nan tri-atletanan. Diadomingo 2 di september nan lo ta organisando e Guardian Group Duathlon Nacional pa mucha, junior y adulto. Por competi den e categorianan individual of den ekipo di relevo. E evento lo cuminsa na Boca Catalina pa 7:00 di mainta.
Lo recori diferente distancia esakinan pa e categoria Kids te cu 14 aña cu lo mester core un total di 2.5 km, despues lo mester core bicicleta 10 km y finalisa e competencia cu coremento na pia riba un distancia di 1.5 km. Pa loke ta e categoria di Junior/Adulto male, esakinan lo mester recori un distancia mas largo. Prome lo mester core na pia un distancia di 5km, despues subi bicicleta y recori un total di 20 km pa despues finalisa e evento cu un coremento na pia riba un distancia di 3km. Por utlimo tin Female 15+ cu lo mester core na pia un distancia di 5km, despues subi bicicleta y recori un total di 20 km pa despues finalisa e evento cu un coremento na pia riba un distancia di 3km. Na final lo reparti medaya pa e ganadornan den e diferente categorianan. Den e prome parti di aña, e eventonan organisa pa Aruba Triathlon Association a kibra tur record unda mas y mas atleta ta tuma e reto y competi na e eventonan di triathlon, duathlon of aquathlon esaki sea individual of den relay.
Stichting Sportsubsidie Aruba a yuda subsidia e evento di duathlon nacional organisa pa Aruba Triathlon Association.
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.