Diahuebs y diabierna, 13 y 14 di mei, oficinanan di Departamento di Duana lo ta cera enconexion cu dia di Asuncion y ATV dag obligatorio di gobierno.
Departamento di Duana seccion Aerocargo kier a recorda su clientenan di lo siguiente:
- Manda nan peticionnan pa ricibi servicio di Duana na tempo pa evita cualkier inconveniencia cu por surgi.
- Ta conseha clientenan pa tene na cuenta carga cu ta rekeri un permiso di importacion manera remedi, berdura etc., pa percura pa e permiso ta regla.
- Riba dia di Asuncion y ATV dag na Aercargo lo atende y entrega solamente carga cu ta cay den categoria di urgencia manera carga friu, flor bibo, y remedi entre otro.
Tur otro servicio pa clientenan y publico en general lo reanuda riba dialuna dia 17 di mei desde 7.30 ‘or di mainta.
Departamento di Duana ta desea tur cliente, partners y pueblo en general un feliz Dia di Asuncion.