Ta conoci cu tin hopi taxi pirata ariba nos camindanan, cu ta un competencia inhusto pa esunnan cu si ta cumpli cu tur e rekisitonan cu ley ta prescribi. Pero aworaki tin e fenomeno di autobus pirata cu ta lanta cabes. Sr. Chris Romero a splica mas ariba esaki.
E minister ta bezig cu DTP pa wak kico nan mester. Actualmente nan no por actua asina no mas, ya cu nan no tin e bevoegdheid pa esey, ya cu nan mester sigui e BOA opleiding. Esaki ta cosnan cu e ministerio ta vigilando di cerca, y den e proximo simannan, minister Romero lo por duna mas informacion cu esaki, den ki direccion ta bay cu esaki.
Mas aleu, minister Romero a bisa cu tin varios presupuesto, varios postnan cu por uza ainda ariba papel. SI e t’ey di berdad, ta otro cos, pero ariba papel si tin algun begrotingspostenan cu nan por uza y tambe nan mester wak si di berdad, cu si esunnan cu ta eyden, ta haciendo nan trabaonan manera debe ser.
Tambe lo bay evalua e contractantenan, si ta bay verleng nan contract y duna nan e opleiding. Pero DTP ta un parti cardinal pa bay cuminsa mehora e situacion aki. No solamente ariba e piratanan, pero tambe na waf tin cierto problemanan cu mester tuma luga. Controlnan cu lo mester sosode. Den e proximo simannan, lo bin cu solucionnan pa esakinan, segun e minister encarga cu e cartera di Transporte, Sr. Chris Romero.