Pa Cuerpo di Polis hopi biaha durante di control di trafico hopi auto no ta gekeur pa cual nos a papia cu Dominico Werleman di DTI cu ta splica si tin hende cu kier keur por haci esaki paso tin espacio, pero no tin e personal suficiente.
DTI ta brindando e servicio di keur auto, aworaki nan ta keur un averahe di 50 auto pa dia y lo kier yega na 100 auto pa dia. Pero door cu no por tuma e cantidad aki den siman, lo keur ariba diasabra. Manera a sosode aña pasa, unda cu ariba un dia ta keur 200 auto. Esaki ta pa cubri e cantidad di 200 cu a cubri aña pasa y kisas hasta mas.
Sr. Werleman mes a ripara cu e ta hopi bashi, ya cu normalmente ta haya e parti di duna afspraak ta haya fila di hende para pa un afspraak, pero esaki ta hopi slow ultimo dianan. Esey kiermen cu hendenan cu ta den necesidad pa haya un cita pa keur mes no ta acerca DTI pa esaki.
Tur persona cu yega DTI ta haya un afspraak. Pero tin hendenan ta bin y kier un afspraak pa aki 6 luna, cual no ta posibel. E maximo cu ta duna ta 2 siman te cu e fecha cu nan ta yenando afspraak. DTI kier mantene un sistema unda ta yena e listanan di afspraak, segun Sr. Dominico Werleman, director di DTI.