DTI a cuminsa cu e proceso di mudamento for di Pos Chikito pa Barcadera. Director di DTI, Sr. Dominico Werleman ta splica.
Ta spera cu pa dia 30 Januari por cuminsa duna servicio na comunidad bek, nan ta purbando pa keda cla si pa dia 29 pa tur cos keda cla, pa dia 30 cuminsa duna servicio bek. Pa loke ta e comunicacion telefonico, esey ta den man di Setar. Por lo pronto DTI ta cera pa servicio, te despues di dia 30 di Januari.
Staff y personal ta hopi contento cu e edificio nobo, mirando cu e situacion di ventilacion cu nan tabata tin na Pos Chikito. E edificio nobo tin 10 porta cu por habri, y e ventilacion ta hopi mas miho. Esaki ta boost e moral di e personal y asina ta duna e publico un miho servicio. Cada seccion tin nan oficina cu nan por sinta trankil. Tin un cantina, un sala grandi pa duna training. Tin diferente facilidad cu por beneficia e trahado y tambe e comunidad.
Mas aleu, Sr. Werleman a splica cu pa loke ta trata leynan cu ta cay bou di DTI, el a splica cu plannan tin pero ta depende e facilidad pa por ehecutanan, e.o. Pa loke ta keuring di auto, mirando cu un di e mashinnan cu mester a bin Barcadera, pa e Hulandesnan traha ariba dje. Cu un solo mashin nan tabata keur 100 auto pa dia, awo cu 3 mashin nan lo por keur hopi mas y asina trece cen den caha di gobierno. Tur esey ta parti di DTI pa contribui na e caha di gobierno.