Den reunion publico diaranzon pa trata y aproba e ley di iniciativa encuanto integridad di ministernan. E ley aki a ser entrega na Parlamento dia 11 di mei 2016. Raad van Advies a duna conseho cu a drenta Parlamento dia 30 di september 2015. Sr. Sneek a entrega dos nota di cambio. E ley ta reglamenta integridad di ministernan.
Ta haci investigacion di e politiconan prome cu por bira minister, manera investigacion judicial, staatsveiligheid, investigacion di transaccionnan ilicito y investigacion medico. Banda di esey ta tabatin un amienda cu no a ser aproba. Tambe ta reglamenta e hecho di nevenfunctie. Esaki ta necesario pa preveni conflicto di interes. Hasta famia di e politico tin cu atene nan mes na ley. Tin cu tuma distancia di interesnan di indole di negoshi. Fraccion di MEP a presenta un amienda. Dicho amienda a ser desaproba. Segun e fraccion no por bay en contra di Constitucion. Segun MEP lo mester tin reglanan estricto pa un minister cu ta den detencion temporario. Fraccion di Avp di otro banda ta opina cu bo no por condena un minister sin prueba, locual tampoco no ta contrario na Constitucion. E ley a keda acepta cu 12 voto na favor y 6 encontra. Presidente di Parlamento a lamenta cu durante e debate importante aki no tur miembro di Parlamento tabata presente.