Siman pasa algun recherche di Cuerpo Policial bou ordo di mando policial a tene razzia na tres warda di Polis. Tanto na warda di Shaba, Santa Cruz y San Nicolas esaki ta despues cu a haya tip cu lo tin posibel arma rond di e celnan y articulonan iregular den cel.
Durante e listramento grandi aki na tur e tres wardanan di Polis rond y paden a canta bingo. Den e celnan scondi a haya celular y droga. Rond di e warda di Polisnan unda cu tin auto laga atras riba e tereno patras cu ta autonan confisca a haya haya arma blanco, cu ta machete etc pa den caso cu si un preso huy sa unda tin arma pa actua.
Tur e articulonan aki ilegal tanto den e celnan y pafo di e cel riba tereno di e warda di Polis scondi den autonan a keda confisca pa e team policial cu a haci e sondeo grandi aki. Esaki ta keda demostra cu for di pafo desconoci ta tira y of bula cura di warda di Polis pa sconde e tipo di armanan aki.