Willemstad Curacao: Alrededor di 05.40or di mainta, Reshèrshi (VVC), Tim di Mantenshon di Òrden Públiko, huntu ku Tim di Aresto riba òrdu di Ministerio Públiko a tene entrada hudisial na un kas den Kaya Shilling en konekshon ku ladronisia di outo i un otro kaso den investigashon.
Durante di e entrada hudisial, a bin topa i konfiská 5 arma di kandela, matanan di mariwana i dos balansa pa pisa droga.
Na e sitio polis a detené e hòmbernan H.D.S. di 19 aña di edat i R.H.S. di 21 aña di edat, ámbos nase na Kòrsou.
A presentá e sospechosonan dilanti di un Fiskal Ouksiliar ku a ordená nan enkarselamentu pendiente di mas investigashon.