Droga su presencia ta fuerte den casnan cu problema social

0

Tin hobennan cu ta cuminsa experimenta cu droga na edad hopi jong. E instancianan adecua mester duna guia na e muchanan. Droga ta keda un di e problemanan grandi den hogarnan cu problemanan social. Sra. Glenda Hernandez, directora di Departamento di Asuntonan Social ta amplia mas ariba esaki.

Droga no mester forma parti di e bida di un hoben y esey ta loke DAS ta purba di kibra. Eey ta conta tambe pa hobennan cu problema psikiatrico cu mayornan no deal cu nan. Kico ta bay haci? Lo zorg pa tin mas cupo di guia, na Fundacion Respaldo, ya caba a haya fondo caba. Y asina por sigui menciona, Casa Cuna, Centro Ortopedico pa muchanan cu ta couy mal caminda. Lo bay tin mas cupo, mas departamento ta lantando pa guia e hobennan. Pero e clave ta keda e comunidad, e famia, cu ta e prome yama pa educa nan mes pa guia e yiu den e bon caminda. Esey gobierno no por take over di e mayor. Tabata escogencia di e mayor pa trece yiu na mundo. Departamento di Asunto Social ta yuda, pero nan no ta e prome yama den educacion di un mucha.

E mayor ta keda carga e responsabilidad, y e ta bay keda sinti’e den su cartera, via di ley. Sra. Hernandez a sigui splica cu e conducta di e mayor ta e ehempel cu e mucha ta sigui. Si un mayor ta huma droga dilanti di e mucha, e ta manda señal pa e yiu cu droga ta ok pa huma. Si e mayor ta bebe alcohol dilanti di e mucha, e ta manda señal cu ta hopi tough pa tin bebida, ta haya fiestanan unda cu bebida ta start libremente. Eseynan ta mensahe cu nos ta dunando nos yiunan aworaki, como comunidad. Esey nos mester ta consciente, e ta cumisna cu conscientisacion. Kico ta e ehempel cu politiconan ta duna na comunidad? Cu lo kier pa e hende den comunidad biba un bida ehemplar, nan tambe mester ta ehempel pa comunidad. Esey ta conta tambe pa e mayornan.

Departamento di Asuntonan Social tin diferente metodonan, lo haci esaki via scolnan, lo drenta cas. Ora cu’n mucha nace, lo registra famianan cu tin hopi riesgo den cas y ta bay traha cu nan. E no ta facil. Esey ta di admiti. Pero no tin otro manera di bay. E ta touch tambe e campaña di Norma y Balornan, cu pronto lo cuminsa, entre 19 pa 25 di november, cu e campaña “E seis principionan” cu bo ta sigui ora di cria un yiu. Asina ta cuminsa. Despues lo bay cu mas mensahe over di norma y balornan, cu den nos comunidad ta bayendo perdi.

Sra. Hernandez ta sigui bisa cu e comunidad no ta religioso mas. Pero kico nos ta y kico nos ta para p’e, segun Sra. Hernandez. Un mucha si e no haya un guia paden, e no siña kico ta bon y malo, e ta bay busk’e ariba caya. Ta p’esey gangann ta bira popular. Si mayornan ta traha dos trabao pa yuda nan famia financieramente, esey kiermen cu muchnana ta keda cas nan so. Un mayor, sea mama, tata, pero un adulto lo mester por ta eynan pa tira bista ariba e mucha. Te asina leu e relato di Sra. Glenda Hernandez, directora di Departamento di Asuntonan Social.

Comments

comments