FLORIDA, Merca- Autoridadnan di Florida a haya un substituto na e sedante midazolam, cu e companianan farmaceutico ta nenga di suministtra su uzo na ehecucion pa e dudanan di su efectividad.
Mark Asay, condena pa un doble homicidio na 1988 diahuebs a wordo ehecuta na Florida, cu’n pocion nunca antes uza den un condena di morto. Na e ocasion aki, un di e mesclanan uza normalmente, e midazolam, a wordo reemplaza pa un sedante yama etomidato den un combinacion di tres mescla cu cual ta realis ae inyeccion letal, segun medionan local ta informa.
Den e ultimo lunanan, e midazolam a bira e centro di un polemico pa e duda tocante su efectividad na ora di trankilisa personanan condenado durante e pena capital. Esaki a haci cu e sedante tabat abira mas dificil pa autoridadnan, ya cu empresanan farmaceutico di e pais a nenga di sigui suministra esaki pa uzo den ehecucionnan.
Asay, di 53 aña, kende a muri diesun minuut despues di e ricibi e inyeccion letal, a wordo condena na morto pa e dobbel asesinato na 1987 di e Afroamericano Robert Lee Booker y di Robert McDowell na Jacksonville, noord di Florida. E prome asesinato ta ser pensa di ta un motivacion racista.
Cu e ehecucion di Mark Asay, e ta bira e prome persona di raza blanco pa ricibi un inyeccion letal na Florida despues di e mata un Afroamericano desde cu cu e pena capital a wordo restaura na 1976, den e estado di Florida. Ademas, ta pone un fin na 18 luna sin ehecucion den e territorio aki, cualnan a wordo suspendi riba ordo di Corte Supremo, cu na Januari 2016 a determina cu e huesnan no por dicta ordennan di morto independientemente di e posicion di e hurado. Na Maart di e aña aki, 2017, Flordia a aproba un ley nobo cu ta rekeri unamidad di e hurado pa dicta un pena di morto.
Fuente: https://actualidad.rt.com