Diaranson pasa di 11:45 anochi polis durante su control den area di Avenida Alo Tromp un sospechoso cu tas den su poder a mira e oficialnan y a ranca un careda bay direccion Ranchostraat. Di biaha e polisnan a drenta accion y bay su tras pero esaki a drenta e conocido cas di Ranchostraat. Patruyanan a yega y a rondona e cas debi ta sospecha cu e persona lo por tin un arma di candela cune, pasobra el a bay pa coba algo den su tas. Y polis tin pista riba persona cu tin arma di candela den e area menciona. Fiscal a presenta y duna ordo pa drenta e cas unda Arrestatie team tabata na e sitio y asina a saca tur hende un pa un cu cautela y a bay over na listramento tanto na e hendenan y den e cas. Den e cas durante listramento polisnan ta topa cu basta droga y asina a tuma esakinan den beslag y e persona encarga a keda deteni hiba warda di Polis. Departamento forensico di Cuerpo Policial tambe tabata presente pa haci nan investigacion y saca potret di tur loke a keda haya.