Directora di Dreams Wall Painting Aruba, Sra. Sandra van der Linde, ta splica un poco di e beneficionan di arte pa e generacion nobo y e balor di planta, sembra y cosecha pa nos muchanan.
Sra. Sandra van der Linde ta conta nos cu nos mester ta hopi consciente cu e mundo ta cambiando y nos pareu cu ne. Y ta di suma importancia pa nos mira mas leu cu lo cual nos wowonan ta mirando actualmente.
E cambio aki ta uno super positivo y no negativo. E punto ta di ki angulo nos ta mira esaki. Arte ta un di e factornan esencial pa e generacion aki y ta e tarea di e mayornan pa stimula esaki den nan yiunan.
Arte di pintura y escultura ta multi beneficioso pa tur edad. Akinan ta sigi algun ehempelnan di beneficionan manera :
1) Ta fomenta e comunicacion entre e mucha y su mayornan den un lenguahe diferente y personal.
2) Ta aumenta e autoestima.
3) Ta crea concentracion, sanacion y salud mental.
4) Arte di pintura ta humanisa hende y rebiba e amor pa creacion, naturalesa y cultura.
5) Arte di pintura ta uno terapeutico. Pintamento ta haci cu bo ta drenta un mundo propio, yena cu posibilidadnan pa creatividad cual ta permiti aisla positivamente di e realidad, lo cual ta genera descanso mental cu ta disminui e stress y genera sentimentonan di felicidad y relahacion. Esaki ta excelente pa particularmente hendenan cu problema di agresividad y nerviosismo.
Pintando naturalesa ta un expresion di amor pa naturalesa ariba su mes y henter e creacion. Aki ta e punto cu Sra. Sandra van der Linde ta remarca, cu a cuminsa mira e necesidad di introduci den su workshops informacion di y involucra su studiantenan den plantacion, pa nan lanta cu e importancia di yuda haci e planeta berde bek. No necesariamente mester tin un tereno grandi pa cuminsa sembra un simia of planta un mata den tera. Awendia mirando e escasez di tereno door di tanto comercio, por semper saca un bon idea y creatividad afor, manera sembra estilo urbano, den pochi of bakinan di palo.
Pa mas informacion tocante e lesnan di arte y vacation camp di april 2019 por yama # 6623222 of bishita nos page ariba Facebook “Wall Painting Aruba”