PUERTO RICO- E artista Puertoriqueño Draco Rosa diabierna a ricibi e gradi di doctor Honoris Causa di e Universidad di Sagrado Corazon y cual distincion Rosa a describi como un di e mas grandinan y importante di su bida.
“E titulo aki ta un di e honornan mas grandi cu mi a ricibi”, el a expresa dilanti di e 1.154 studiantenan cu a gradua y despues di e ricibi su titulo Honoris Causa den Humanidad y Business Admininstration for di man di e presidente di e Universidad, Gilberto Marxuach Torrós.
Rosa, di 47 aña y kende no tin niun grando universitario, a ricibi e distincion di USC den e Centro de Convenciones di San Juan den reconocimiento di su trayectoria destaca como artista, musico, empresario y filantropo.
Durante su mensaje, cu a bin despues cu su tema “Paraíso prometido” a wordo interpreta pa un agrupacion di hobennan musico y cantantenan, Rosa a reflexion ariba su bida “e tempo ey mi tabata colga entre oscuridad cu tabata caba cumi”, na 2010, ora cu el a wordo diagnostica cu cancer.
“Pesey mi a cana den un mondi di skelet y duda. E mondi ey no tabata tin salida, te ora cu un porta a habri y mi a yena di bida. E porta ey a hibami na Dios. Y a pesar di tur cos, mi a sinti hopi salud. Asina ey, teni na man di Creador, awe mi tin un curpa sano. Mi ta Puertoriqueño, musico y sobreviviente di cancer”.
Pa e motibo ey mes, tata di Revel y Redamo, y casa di e cineasta Angela Alvarado, a admiti cu su musica “di awo padilanti lo ta solamente dedica na Dios, na mi patria y na mi prohimo”.
Como agradecimento pa ta sano, Rosa a promove e Fundacion Vox Forte Alliance, entidad estableci pa yuda pashentnan di cancer na Puerto Rico cu mester di un transpalante di medula osea (beenmerg).
“Awe, na momento di ricibi boso titulo convoca pa e lucha pa bida, pa haci lo dificil y lo extraordinario. Den boso caminda lo tin momentonan duro, fracaso y dolor, pero cu bista ariba e exito berdadero. Esun cu no lucha so ta fracasa y teni di man di Dios ta imposibel pa no triunfa”.
Fuente: www.eldia.com