Mirando cu e casonan manera zika a cuminsa caba den otro paisnan, Aruba, hunto cu e organisacion di salud, PAHO, ta monitorea e casonan aki. Esaki ta un punto cu ta ser trata akinan tambe segun dokter Wilmer Salazar di Departamento di Salud Publico.
GKMB y Departamento di Malesanan contagioso tambe ta involucra pa wak con e situacion ta. Actualmente tin hopi yobida ta presentando y cierto paisnan den nos region, den Sur America y cierto islanan den Caribe, por confront un problema hopi mas grave riba esey.
E problema ta si turistanan ta bin for di e region aki, por bin cu e malesa, pero no tin e sanguranan, e ta keda eynan y nan ta safe.
Awor aki DESPA ta wardando un comunicado di parti di e organisacion panamericano di Salud, con e situacion di Zika, Chikingunya ta den nos region. Despa no ta wardando riba esey, pero semper ta tuma medida. Awor aki cu sa cu e temporada di yobida a drenta, ta intensifica e accion y comunidad mester participa activamente cu Departamento di Salud Publico (DESPA), pa nan ta conciente na momento di biaha, etc. Semper ta bisa pa mantene, cuida, esaki ta un deber pa nos tene e areanan cu ta potencial pa sangura. Nos tin un responsabilidad pa salvaguardia nos bida individual, familiar y comunidad henter.