Mas pueblo mes coopera den nan mesun luga pa manten’e limpi, mas ta preveni pa nan haya pica di sangura, segun dr. Wilmer Salazar di Departamento di Salud Publico.
E ta sigui splica cu tin cu corda cu na Aruba, diferente na otro luga di mundo den nos region, e problematica ta sali for di nos cas, rond di nos cura na unda nos por tin un criadero potencial y nos no ta kit’e, e ora nos tin un problema. Esey no ta costa nada. Dos, pa tres biaha pa siman, check rond di bo cas, kita tur awa cu ta para, tur potencial criadero, tap’e, y ta sigur ni bo ni bo famia, ni bo comunidad, ni bo bisiñanan, lo bay tin un problema cu por bira mas pio, ora e bin den forma di brote of epidemia.
Segun dr. Salazar, si un persona muha su matanan, warda awa di yobida, esey ta hopi bon, pero mantene den un luga safe, cu no tin chens pa sangura por pone su webo y larvanan. Si tin larva, tin cierto tiponan di substancia cu ta mantene e larvanan bao di 0. Tuma contacto cu GKMB pa nan duna un orientacion cientifico y tambe mas facil pa por mantene tur awa cu ta reserva pa muha mata na un manera limpi y liber di sangura.