Despues cu mas di 300 caso di e malesa di difteria a keda conoci na pais Venezuela nos a acerca Dr. Wilmer Salazar di DESPA pa haya sa si nan ta sigui e casonan aki di cerca.
Den medionan di prensa di Venezuela a sali informacion riba casonan di Difteria na Venezuela, na cierto estadonan of luganan cu ta un tiki mas den zuid di Venezuela. E ta hopi leu, estado Bolivar, den zona minero indigena y cu algun otro estado cerca di e area aki. Esey ta informacion cu a haya di un fuente no oficial y cu tambe ta al tanto di esey. No ta di awo, pero si tabata tin informacion for di luna di Augustus/September di aña pasa.
Difteria ta un malesa contagioso, preferibel pa vacuna, e ta causa pa bacterianan difterae. E bacteria aki, algun di nan, no tur e bacteria, tur especie, ta produci un toxina cu ta cay den e via respiratorio superior, garganta, nanishi y den e garganta e ta forma un pseudomembrana cu cada biaha e ta crece, e ta desaroya e toxina ey. E ta tapa e sistema respiratorio y e persona ta muri.
Door di tur e complicacionnan cu por bin al caso. Loke ta prevenibel, e ta wordo trata cu antibiotica y antitoxina y si un persona haya vacunacion, generalmente ta cuminsa cu 2 luna di edad. E cobertura, si e ta halto, no tin ningun tipo di peliger na un pais rond di dje cu lo por tin casonan. Pa loke ta Aruba, Salazar a tuma contacto cu JGZ su cobertura di poblacion. E cobertura ta di 95% of mas protehi di e bacteria aki, segun dr. Wilmer Salazar.