Segun Dokter Vis, calidad di bida ta algo cu nos mester cuminsa traha riba dje pasobra pueblo no ta cuida na curpa. E ta splica kico mester bay haci.
Mester tene na cuenta tambe cu como un comunidad chikito, nos mester bay om hopi zuinig cu e recursonan cu nos tin. E dokter ta preocupa pasobra e ta wak cu e gastonan ta subi inmensamente, si wak cuanto hende tin cu complicacion di riñon, mester dialisa y no tin suficiente cama. Un pashent di dialyse, ta costa AZV mas of menos 150 mil florin pa aña y ta hopi pashent tin. Si bay cubri tur e gastonan aki, cual ta hopi bon, pasobra den Caribe Aruba ta un di e islanan cu ta basta bon para y por duna tur e servicionan aki. Tin hopi isla cu no tin suficiente recurso. Aruba por, pero con largo nos lo por. No sa esey, segun Vis. Si ta un problema cu ta creciendo y ya cu ta wak cu tin hopi vergrijzing tambe y obesidad ta sigui subi, e ora ey ta cuestiona con lo ta aki, aki 10 aña si cubri tur e gastonan. Mester tuma accion riba tur nivel di nos comunidad. E pashentnan mes, dokternan y tambe Gobierno tin cu bay pensa cu con lo bay soluciona e problema aki, segun Vis.