Si bo sa cu den bo famia cu tin hende ta sufri di sucu of presion halto bo por cuminsa check di awor
Caba. Dokter Kock a splica mas kico no spor haci pa por preveni.
Dr. Kock a probecha pa menciona cu no warda te ora cu ta laat, no warda te ora cu ta sinti un sintoma, pasobra no ta sintoma ta bay lagabo sa na tempo cu tin problema di riñon. Si descubri e problema di riñon na tempo por preveni esaki. Si warda te ora cu tin sintoma, e ora hopi biaha ta mucho laat. Loke ta pasa mayoria biaha of hopi biaha, ta cu bo ta caba toch aunke cu haci tur esfuerso y duna tur remedi cu tin, toch ta wak cu ora ta den un estado avansa, lo mester di tuma e tratamento di dialyse.
Dialyse ta un di e formanan cu bo por duna tratamento na problema di riñon. Tin Hemodialyse y tin peritonial dialyse cu ta wordo haci na cas. Loke semper ta purba pa e pashentnan cu ta bin na remarca, ta purba wak si nan por haya un transplante. Transplante di riñon no ta hopi tempo tin na Aruba, pero e pobisilidad ey a cuminsa, cu un cooperacion cu Hulanda. Den añanan 90 a cuminsa cu esey y asina tambe door di haci transplante, a bin e prome nefrologo Aruba, cu ta dr. Hendricks, kende tambe ta un di e pioneronan cu a bin Aruba pa no solamente yuda e pashentnan cu Dialyse, pero pa pone pashentnannan y prepara nan pa haci transplante.
Ora cu dr. Kock a bin na 2013, a cuminsa cu un cooperacion cu Academisch Medisch Centrum na Amsterdam, caminda cu a traha bon hunto te dia di awe, caminda cu den e ultimo añanan, tabata tin mas cu 80 hende a haya tratamento di transplante. Esey ta algo bon, pero mester toch wak nos mes pa percura cu nos dialyse no sigui crece, segun dr. Kock.
Dr. Kock su ambicion no ta pa bira mas grandi. E proposito ta pa duna e pashent e bon trato. Esey ta e ambision. Esey ta loke e clinica kier logra, cuminsando for di prevencion.