Mirando loke ta pasando den e bario di Simeon Antonio cu e dump cu ta saka huma y tin hopi dump ilegal ta lanta, a puntra minister di salud Sr. dr. Alex Schwegle ki paso e lo bay tuma mirando cu tin un preocupacion pa salud di e bario.
Dr. Schwengle a bisa cu e sa cu no ta un situacion facil, ya cu e ta algo cu ta pasando hopi aña. E ta warando ariba e draft di e polisa nobo, tocante medio ambiente, ya cu esaki no ta cay bou di su maneho.
Cuido di medio ambiente ta algo cu mester haci algo cun’e mas pronto posibel y si mester, na un manera forsoso. Un maneho cla y raspa ta loke mester bin, y si duna permiso pa habri un dump aki of aya, pa algo specifico, cu tempo lo haya otro sushi di tur manera.
Tin biaha ta falta di disciplina y di control. E ora ta haya tur sorto di dump rond y esey no ta algo bon cu tin demasiado dump. Ya cu tin un dump na Parkietenbos, lag’e eynan, concentra ariba esey. Loke el a compronde di su colega, tin un plan strategico pero e no sa con nan lo bay implenta esaki. Nan lo kier elimina e dump, pero esey no ta bay ta algo facil. Lo mester incerna e sushinan, kimanan na un temperatura hopi halto cual lo produci un gas toxico masha halto mes, of lo mester cera un deal cu un otro pais cu nan lo por uze pa reciclahe. Pero si e ta di acuerdo, cu mester haci algo pa stop esaki. Pero e candela ta asina halto, cu e candela cada biaha ta keda lanta cabes.
El a bishita varios cas eybanda y nan tin hopi molester di musca y e holor stinki tambe ta molestia, depende con e biento ta bira. Como dokter, e ta bisa cu e habitantenan aki lo mester verhuis. E molester nan aki ta causante di astma y bronchitis, y Dr. Schwengle a bisa cu e tambe tin su preocupacionnan pa cu e situacion di dump di Parkietenbos.