E caso den corte a keda pidi pa e doño di trabou cu ta minister y su departamentonan di enseñansa. Whitney Kock, director di DPS, a splica riba e pasonan cu a wordo tuma.
Kortgeding a wordo entrega diahuebs. Ta den espera di un fecha pa asina esaki por wordo trata, segun Kock. DPS ta un dienst di gobierno y e autoridad di e scolnan publico ta minister di enseñansa. Den su calidad como autoridad di scolnan publico, doño di trabao di e docentenan di scolnan publico, a pidi un kortgeding pa asina e unitmanagernan por reanuda trabao.
Kock a sigui splica cu e no por wak otro motibo si a menciona e dos puntonan cu a bin despues den e carta pa DPS. Tur e puntonan aki a wordo acomoda. Hecho ta cu un director general pa EPi no tey. Pa loke ta trata e cuestion di e organogram cu no tabata tey 10 aña pasa, awor aki e tey, e trabao cu mester wordo haci, minister a acorda cu el a pone taakuren pa e unitnan cu tin dos unit manager, pa nan por haci e trabao di un persona, un full time eenheid. Es mas, di e cuater unitnan, tin un cu tin tres unit manager. Ta wak nan bienestar den esaki. Nan mester draai completo. Kock ta splica cu e managernan tambe a bay hunto cu e demas coleganan.
A pidi un spoedkortgeding. Diabierna, e resto di unitnan ta riba plan pa continua cu nan les segun rooster, cu a wordo adapta. E unico unidad cu awor aki lo no tin les mañan ta H&T, na unda cu ta haci e ultimo tokenan na e rooster.