Si abo ta un persona cu ta busca trabou y kier haya trabou, e prome caminda pa acudi na dje ta Departamento di Progreso Laboral. Eynan tin un banco di cuponan di trabou.
Director di DPL Ronny Irausquin a splica cu e departamento, cu un oficina na Playa y otro na San Nicolas, tin un team pa atende tur ciudadano cu mester di ayudo pa registra den e banco di trabou.
Desde cu nan a cuminsa cu operacion normal despues di pandemia, DPL a bin ta ricibi personanan interesa den haya un trabou y ta registra nan mes. Tambe nan a tuma nota cu sector Horeca a cuminsa habri pa cual for di e area aki tambe ta ricibi peticion pa trahadonan di cierto area.
Ya caba e Departamento a logra ubica diferente persona caba den un puesto den area hotelero, cu ta e promenan cu a cuminsa sinti un cambio pa mehoracion.
El a recorda cu e hendenan cu tin FASE mester haci nan registro Online. Den algun caso cu personanan cu tin problema di computer, nan sa haci excepcion y yuda nan registra. Perot a prefera pa yena esaki online.
Irausquin a bisa cu kisas un persona no ta haya e trabou cu e kier na e momentonan aki. Pero toch, e ta conseha, pa registra. Por ta e persona por tuma un trabou temporal y despues cu surgi algo cu ta mas na su agrado, e por cambia di trabou.
El a recorda tambe cu tur hende tin derecho riba un trabou, pues un compania no por nenga un persona debi solamente na su edad.
E unico aspecto di preocupacion cu mester di hopi hende den area di limpiesa. Aunke cu tin hopi hende local buscando trabou, pero ta resulta cu localnan no ta gusta haci e tipo di trabounan aki. Esaki ta un aspecto un poco fastioso.