Na oficina di Departamento di Labor DPL tabata tin e conferencia pa informa tocante nan campaña nobo. Riba e mainta aki tabata presente Ronny Irausquin Director di DPL y Mener Richenel Stamper PR & HR staffunctionaris DPL, a informa cu nan lo cuminsa cu nan campaña di AMR cual ta e entregamento di formulario. E formulario Arbeidsmarkregistratie 2023. Ta trata di un formulario cu dunador di trabao ta entrega tur aña na DPL, sin esaki ta dificil pa bo por cana e camina pa e otro proceso den tur e otro departamento cu DPL tin.
E campaña ta pa facilita e doño di trabao di haci entrega di e formolario na tempo. No mester tuma un cita pa haci esaki por yega libremente riba 12 Jun 2023 te cu 30 Jun 2023, di 8am te cu 3pm, Dpl lo conta cu nan team pa atende y yuda di e miho forma tur e comerciante riba e dianan aki.