DOW trahando duro pa drecha tur buraco na Aruba

0

Sr. ing. Marlon Croes a splica cu DOW tin diferente trabaonan di asfaltamento ta tumando luga, patchmento di buraconan y diferente camindanan di santo.

DOW ta haci su best cu e ekipo y personal pa yena e buraco cu asfalta pa nan ta den bon condicion y asina preveni cu e caminda ta sigui daña. Tin tambe buraconan nobo cu a sali, pa cual lo informa esaki na e team. Un di e camindanan di santo cu ta wordo critica ta e caminda di Bubali pa Hato, cu ta sali na e ex veld di Bubali, cu DOW a drecha e camidna den e ultimo luna aki, como 2 biaha caba. Pero cada biaha e ta bira pio. Y DOW lo bay drech’e atrobe, pero lo mester wak si e por wanta pa un periodo mas largo.
Ing. Croes a sigui bisa cu tin caminda di santo, unda cu DOW ta grader, pone fender si mester. Pero nan tin e intencion di bay uza un otro material, cu ta material cu mas piedra den dje, mix e cu graniet pa wak si e por duna miho resultado y extende e bida di e caminda di santo. Loke ta asfalt, tin hopi ‘vreesmaterial’, unda cu ta kita di caminda existente di asfalt. Y pone ariba caminda di santo, e lo bay yuda pa un periodo mas halto. Y tin camindanan di asfalt cu DOW ta trahando ariba dje. Aworaki, DOW no ta mescla asfalt bieu cu nobo, pero si ta uz’e como componente si pa fundeshi pa un caretera. DOW ta haci diferente estudio y e minister di Infrastructura lo desea pa bin cu miho materialnan pa drecha e calidadnan di caminda, segun Sr. ing. Marlon Croes, director di DOW.

Comments

comments