Tabata na final di aña 2016 cu gobierno a dicidi cu lo habri caya grandi bek pa trafico di motor. Sr. Marlon Croes, Director di DOW riba dicon a cera caya grandi pa auto no pasa mas.
Na final di 2016, despues di a combersa y evalua hunto cu Prome Minister y Minsiter Sevinger a tuma decision di habri caya bek pa autonan por pasa den Caya G.F. (Betico) Croes, pa un periodo di 2 siman y DOW a mantene nan mes na esey. A cera e caya bek dia 2 di Januari y aworaki ta bezig ta evaluando pa wak kico a haci na e parti fisico na e parti di Caya Grandi mes.
Ora cu e rapport ta cla, pa loke ta mantencion di Caya Betico Croes mes, lo sinta bek OBIT den e caso aki, pa wak di parti di comerciantenan cual tabata e beneficionan riba dje y con e ta weeg af contra di e gastonan di mantencion cu a subi cu e test cu a wordo haci.
Encuanto e dañonan, si ya aworaki lo por tin bista ariba esaki, Sr. Marlon Croes a bisa cu lo mester warda e rapportnan bini, si e matanan a sufri daño si e klinkernan lo a sufri daño, di kico e gastonan diu mantencion lo ta. Ora cu e rapport ta cla, e ora lo combersa cu OBIT, y e comerciantenan pa wak con ta yega nan un consenso. Sr. Croes a splica cu DOW mes no a haya niun sorto di feedback di parti di gobierno.
E vision pakico a cuminsa cu ceramento di caya, tabata pasobra tabata traha riba e embeyecemento di caya grandi, tabata pa proteha e inversionnan haci. Pa duna mas cliente chens pa bin den caya, a introduci un tram, cu ta bin for di salida di waf te na final di caya grandi. Na aña2010 tur gremio a bay di acuerdo pa cera e trafico y bin cu tram pa trece turistanan crucero den caya, pa asina trece otro tipo di cliente pa bo negoshi. E intencion tabata tambe cu lo a trece cambio den bo businessmodel, cu lo trece mas terrasjes anochi den Caya Grandi, mas F&B’s, pa tin competencia pa e area di Palm Beach.
Si cambia di orario di ciere, e comerciante por coy mas parti di e clientenan. Si un comerciante habri di 12 or di merdia, pa 10 or di anochi, e lo ta competiendo cu e mallnan grandi banda di hotelnan luhoso na Palm Beach. Si trece mas F&B den caya, ta contribui na mehoracion di Caya Grandi. Trece diversidad den Caya G.F. (Betico) Croes.
Otro punto tabata pa stimula vivienda den caya, pa tin mas famia, cu muchanan por cana liber sin cu nan por core rond sin cu tin cu preocupa cu trafico.