Na planta di purificacion na Bubali DOW ta move for di mantencion colectivo pa un mantencion preventivo y tin lamentablemente dos roter grandi cu a bay for di servicio y e roternan aki ta hopi esencial pa keda duna oxigeno den awa pa e planta por keda presta na nivel cu e tin cu traha pa haya miho calidad di awa, segun director di e departamento, Marlon Croes.
E piesanan a yega den luna di November unda cu e trabaonan ta planea pa saca nan y haci mantencion riba dje y pa pone nan bek pa nan drenta den funcion pa awe nochi of mañan mainta. Ta bay wak na e planta crane grandi ta operando pa saca y pone nan bek den e tanki.
Despues di e awasero, Bubali Plas, a habri e sluis, segun e proceso y a habri e duiker bieu tambe mas panort pa por a baha e awa den Bubali Plas, pa asina baha e awa den saliña banda di The Mill y tambe baha e awa den e bario di San Miguel tambe pa asina aki no tin molester pa e vecindario.
Segun Croes na Bubali Plas mes e awa a keda stabil.
Tin cu distingui dos cos cu ta Bubali Plas y e planta di purificacion. Awor aki DOW ta trahando riba e planta di purificacion y Bubali Plas ta con ta maneha e nivel di awa pa por mantene e matanan bibo, e flora y fauna, pero tambe e nivel di awa pa con tin capacidad pa abastece awa ora awa yobe, ki ora e ta bira un molester y ki ora no, Croes a splica.