Ya pa basta siman caba DOW ta basta ocupa cu e rooinan pa asina hasi esakinan limpi pa den caso di awa sero den temporada di horcan tin tur cos prepara segun Sr. Marlon Croes di DOW.
DOW semper ta un organisacion cu ta envolvi, pa ora di awasero pa yuda baha e molesternan. Y den cuadro di esey, DOW su solucion ta pa haci e rooinan limpi constantemente durante di aña. Esey ta pa no tin sushi den dje, cu si haya un awasero di sorpresa, cu e rooinan no ta apto pa handle e fluho. Pesey cada tanto luna, ta pasa wak si nan tin sushi den nan, ya cu sey ta un di e menasanan cu ta haya constant, door cu ta haya matras, stove, frigidaire etc benta den e rooinan,
No solamente e rooinan, pero e induikersnan, e brugnan, pa nada ta stroba e pasada di awa. Vooral den Oranjestad tin e parti di gemengd stelsel, unda tin e riolering cu ta colecta awa di yobida pa lagoen y pa lama. Esaki ta cosnan cu ta haci limpi, ta blaasnan cu water pressure pa tene e canalnan aki habri, constantemente. Ta trabaonan rutinario cu prome cu temporada cuminsa, ta haci esakinan.
E rioleringstelsel den Oranjestad, ta den uzo, vooral e gemengd stelsel. Hopi biaha nan ta plok, y DOW ta haci esakinan limpi pa nan por sigui funciona. Si tin menasa di awasero grandi ta biniendo, DOW ta percura pa dos pa tres dia prome cu e awa yega Aruba, ta percura pa habri e canal y e rooinan. Si hacinan limpi prome cu esey, vooral den Oranjestad unda cu restaurantnan ta tira vet den e rooinan y ta plok esakinan. Pesey ta hacinan limpi, un of dos dia prome cu e awa yega.
No ta facil pa hasi rooinan y caya limpi pero na final ta hende ta tira sushi riba caya pa cual di parti di DOW ta pidi pa nos coopera cu e parti aki segun Sr. Marlon Croes. DOW tin su ekiponan cu ta bari caya pa kita santo for di caminda. Pero e limpiesa ta cuminsa cerca nos mes, na cas. Como compania bo ta preveni di pone sushi ariba caya, preveni di tira sushi den rooinan cu ta haci nos puntonan debil. Pesey ta sugeri pa tur haci un esfuerso en conhunto.
A puntra Sr. Croes encuanto e situacion di e damnan na Aruba. Segun Sr. Croes e damnan di Aruba tin basta awa den nan y nan ta di bon calidad. E fisico di e damnan ta bon y mayoria ta yen aworaki. Awasero cu cay awo, ta yena e dam loke a verdamp. Pero e lo cuminsa core di biaha. Dus esey ta algo cu e rooinan ta limpi pa e awanan ta mas lihe pa yega lama.
DOW lo bandona e concepto di laga e awa bay lama lihe, paso e awa ta di calidad halto, y nos por uz’e pa nos flora y fauna. Esey kiermen cu nos ta bezig ta buscando partnership cu LVV pa excava mas dam na Aruba den e rooinan pa asina aumenta e capacidad di e damnan pa asina mantene mas awa ariba e isla y no lag’e bay lama.
Esey ta un proceso largo pero e ta den planificacion. Pronto lo sali un documento unda cu lo por pidi aprobacion pa esey, segun Sr. Marlon Croes di DOW.