Bubali Plas ta wordo menciona di ta procesa awa mas hopi. A pasa den periodo cu ta bezig ta upgrade e planta den e parti mecanico, tecnico y proceso, unda cu kier bay cambia for di un cultura di mantencion corectivo pa un cultura di mantencion preventivo. Esey ta trece cune cu tin basta trabao pa haci den e curva aki pa por yega eynan. Ora cu yega eynan, e planta lo ta mas stabil cu un capacidad mas halto pa produci e cantidad di awa cu DOW ta buscando.
DOW tin tres planta na Aruba. Esun di Bubali, cu ta traha via e red di riolering cu tin. Tin e planta di Parkietenbos y e planta na Zeewijk.
E planta di Parkietenbos ta dedica pa e trucknan hiba awa di cas, septic temp, etc. y ta procese na Parkietenbos.
Esun di Zeewijk tin liñanan di riolering di San Nicolas pega riba dje y tambe si tin algun truck, por bay eynan tambe. E uzo di truck mayoria biaha ta na Parkietenbos.
E planta di Bubali ta safe. Tin cu menciona cu e ta un sistema hopi anticua. E ta data di aña 1972. Esey ta nifica cu tin algun punto debil den e diseño cu tabata tin e tempo ey cu lo a traha bon. E storing ta hopi mas menos awo. Tin cu modernisa un di e tankinan. E sistema manera cu e ta, ta di 44 aña pasa, tin cu wordo modernisa.