DOW ta bezig ta recap pa loke ta e caminda di Semeleerstraat, esta kita asfalt y pone asfalt nobo, embeyese full cu mata y acera cu klinker, haciendo esakinan mas bunita, dunando e bario un bunita bista, segun Mylene Lampe. E unico caya fuera di Semeleerstraat, ta Frankenstraat. DOW tambe ta bezig cun’e y ta bezig ta asfalta e caminda di santo cu tin eynan cu ta den e proyecto di Montserat. E drempelnan lo bay keda. Esakinan ta evita trafico core un tiki duro den e caya. DOW no ta bay mishi cu nan y lo mantene nan. E caminda lo bay bira un tiki mas small, pero e lo keda cu trafico di ambos banda. Awor aki Semeleerstraat/Frankenstraat ta constando 1.5 miyon cual ta e presupuesto cu tin p’e y e contratista ta Arubaanse Wegenbouw. Dia 15 di December, e proyecto mester ta full entrega, segun Mylene Lampe di DOW.