Daryl Lue cu ta hoofbeheer Infrastructuur di DOW a duna di conoce cu foi aña pasa DOW no tin tent mas pa pone pa Carnaval, y e aña aki tampoco no tin debi e cantidad ta limita, pa nos personal mes cu mester no ta resta pa otro. Den caso di LG Smith, linear park bay abou, DOW ta haci su trabou pa pone heki pa pone e area sigur. A crea tres pa cuatro salida hunto cu KPA pa haci esaki mihor, y ora kier saca un hende afo mester tin e bon caminda pa cu e salida.
Lo bay pone borchinan di baño publico pa publico mira. DOW ta trahando duro pa cu e temporada di Carnaval 71. E hekinan ta keda poni, y pa pone tent tin areanan designa pa pone esaki y e grandura di kavel y dentro di poco lo cuminsa marca e kavel hunto cu DIP.
Esnan cu haya kavel riba Lg Smith Blvd mester pone nan mes un tent no mag pone nada otro.
Tent no ta barata mas, nan tin nan temporada y e inversion pa bin cu un cantidad di tent ta un costo halto.
E rotonde banda di Plaza Betico cu ta Las Americas lo keda cera full cu heki cu autonan no staciona ey riba debi cu ta drechando e rotonde y e bisindario.
Na e crusada di Adriaan Lacle y LG Smith lo keda cera cu heki debi cu a embeyesa esaki full y no kier pa vehiculonan haci daño riba e propiedad aki.
