Marlon Croes di DOW a anuncia cu e t-weg di Pos Abou lo wordo cera cu e intencion di traha un otro rotonde.
Sr. Croes ta splica specificamente cu e punto di Pos Abou bay direccion di Fantastic Garden cu ta sigui bay direccion pa sali na Belgiestraat y yegando na e crusada unda e ta crusa cu Watty Vos Boulevard lo wordo cera entrante dialuna pa trabounan necesario tuma luga pa traha un rotonde nobo na e parti aki.
Nan ta premira tres luna di trabou eynan. Nan t spera cu e departamento por guia e trabou di tal manera cu nan por finalisa esaki den menos di tres luna y lo bay tin cambio di rutanan cu nan lo duna informacion riba esaki riba medionan di comunicacion.
Sr. Croes ta indica cu tin diferente trabounan andando y ta pidi comprension di parti di comunidad pa cu esaki, pasobra desde awo te cu Augustus di 2019 ta bay tin diferente trabou cu lo tuma luga pareu.