DOW tabata tin un reunion cu Minister di Infrastructura y Medio Ambiente, Sr. Otmar Oduber, pa loke ta trata e problema di sushi ariba dump di Parkietenbos. Ing. Marlon Croes di DOW ta elabora ariba e reunion aki.
Minister di Infrastructura y Medio Ambiente a instala un Steering Committee pa cuminsa pa dentro di 45 dia, bin cu un proposicion con lo por bay cera dump ariba termino cortico y medio, pa soluciona e problema, prome cu esaki bira mas grandi. Tambe pa bay den un direccion con pa soluciona e problemanan structural permanentemente.
DOW ta forma parti di ambos commission. Un di nan ta pa duna support tecnico na e grupo banda di e parti legislativo, banda di ambiental y banda di Salubridad, segun Sr. ing. Marlon Croes director di DOW.
Tin diferente rapport a wordo traha cu lo por yuda e comision den cual direccion nan cana bay. Nan lo forma parti di e comision a corto plaso, cu nan lo duna nan contribucion na dje y wak di por cera alianza cu sector priva y otro departamentonan gubernamental pa yega na un solucion hopi mas holistico a corto y largo plazo, segun Sr. ing. Marlon Croes.