Lo bay tin algun cambio cu lo bay tuma lugar na e proyecto di Green Corridor na altura di Drive Inn caminda lo cambia e trafico y lo pone mas guia segun Sr. Micheal Vrolijk ta splica.
Actualmente tin algun borchi cu ta indica cual caminda mester tuma pa drenta Sta. Cruz, pero por tin mehoracion. Den e caso aki, si tur cos cana bon pa otro siman lo bin cu desviacion caminda lo cera e caminda mas concreto pa caba di construi e rotonde na Kibaima y durante e siman aki DOW lo informa e pueblo mas miho con esaki ta bay ta hinca den otro.
A cera e caminda pa solamente pa haci e conexion for di e caminda di Sta. Cruz riba e rotonde nobo. Y e caminda di Playa pa San Nicolas, cual lo mester keda cla e siman aki. E ora DOW lo haci un desviacion, unda lo tene cuenta cu e trafico cu ta bin for di Sta. Cruz pa San Nicolas, pa evita cu autonan ta haci U-turn pa asina subi pa San Nicolas, treciendo trafico na peliger.
E problema principal e caminda di Drive Inn e fluho di trafico ta bay mas rustig, pero e problema of e stagnacion ta cuminsa na Pos Chikito pa Savaneta. Tur trafico cu ta subi di Playa pa San Nicolas ta ariba e caminda ey. Pero al momento DOW ta bezig cu KPA pa asina yuda tambe den dirigi e trafico y haci algun cambio na e crusada, na Rooi Lamoenchi y esun di Isla di Oro, y esun di Yara, unda cu lo traha e sorteervak, pa asina stroba e trafico lo mas minimo posibel.
Actualmente no tin mas alternativa pa cu e fluho di trafico. Y tabata durante e temporada di yobida cu DOW a bin ripara con pisa e trafico ta ariba e caminda principal. DOW ta pidi un tiki mas comprension, e trabaonan ta andando hopi mas lihe cu e planning, pero ta bay dura por lo menos 4 siman mas prome cu e parti di Isla de Oro cu Santo Largo keda cla. Asina Sr. Michael Vrolijk, encarga cu e proyecto di Green Corridor pa DOW a informa.