DOW Jones ta cera cu su caida mas fuerte den 8 luna

0
RBC Juli 2018
Funmiles-2018

NEW YORK, Merca- E promedio industrial Dow Jones a experimenta un caida di 831 punto diaranson, 10 di october. E dia tabata marca pa perdidanan fuerte den accionnan tecnologico. Esaki ta e pio caida den e index aki den 8 luna.
Segun informenan, e promedio industrial a perde 3,1 % den e operacionnan di atardi te cu el a yega 25.599 punto. Mientras tanto, e indice di referencia S&P 500 a registra 2.786 punto despues di a baha cu 3,3 %, y NASDAQ a cay na 7.422 (-4,1 %).
“Claramente, e accionnan a wordo “spanta” pa e tasa mas halto di inflacion”, segun Michael Farr, director ehecutivo di Farr, Miller & Washington, cita pa Washington Post.
“Esey ta sugeri cu e Reserva Federal lo sigui aumenta su tasanan”, e experto a sugeri, enfatisando cu e aumento a afecta e accionnan cu miho rendimento, particluarmente den e sector tecnologico.
Entre e companianan mas afecta tin Netflix (-8,4 %), Amazon (-6,1 %), Apple (-4,6 %) y Facebook (-4,1 %). Di otro banda, marcanan di luho tambe a wordo afecta, cu Tiffany & Co y Estee Lauder, perdiendo un 10,2 % y 7,4 % respectivamente.

Comments

comments

C: Heineken
new india