DOW kier a informa comunidad di Aruba riba e situacion actual di Oil spill cu tin na parti na Noordoost di Aruba. Ta asina cu e ultimo dianan nos a haci limpiesa na tur e bocanan cu tin na parti Noordoost di Aruba. Dia 2 di Juni Marina real, Turtuga Aruba, hunto cu nos scoutnan di DOW a constata cu tin un cantidad chikito di e azeta na e bocanan compara cu e dianan anterior. For di L
ighthouse (Westpunt) te cu Boca Prins ta 90% limpi y for di Boca
Prins pa Punta Basora mester di mas atencion. Pa es motibo a caledown nos operacion di limpiesa awe y mirando e trend di dialuna pa diabierna cu e azeta ta birando menos y lo scale down e operacion den weekend pero lo keda vigila e situacion. Si acaso constata cu e azeta aparece nos lo bolbe activa e operacion di limpiesa. Diahuebs dia 1 di juni nos a ricibi yudansa di e boluntarionan unda cu DOW ta duna un danki pa e esfuerso, tambe DOW lo desea e yudansa di e boluntarionan si acaso durante weekend e situacion cambia y mester dimas capacidad.
Alabes DOW lo kier a informa cu tin un proceso cu mester wordo en camina door di Departamento di Naturaleza y Medio Ambiente pa por duna su aprobacion cu e costanan ta cla pa uzo pa publico
y ta pidi boluntarionan pa por tene cuenta cu esaki. Tambe nos kier a trece dilanti cu nos a tuma contacto cu instancianan grandi internacional riba e asunto aki. Departamento Meteorologico a tuma contacto cu IOCARIBE (IOC/UNESCO), KNMI, NOAA, NASA y WMO pa hasi uso di modelonan sofistica, y unda hasta ta usando foto di halta resolucion satelital pa analisa e area di Caribe y pa averigua si por tin mas menasa di azeta pa nos isla. Tambe nos a haya cooperacion di Repsol/ OSRL y nan ta mandando un delegacion di 5 specialista riba tereno di oil spill pa analisa e trabounan di limpiesa cu a wordo haci na e bocanan. E delegacion
aki lo duna nos consehonan necesario pa wak con nos tin cu atende cu e situacion riba e baranca y tambe yuda nos planea con pa atende cu casonan similar den futuro.
Por ultimo Repsol/OSRL lo manda un barco cu lo bay analisa e situacion riba lama y for di aire. Abase di e informacion aki nos lo sa cua stapnan nos mester tuma pa futuro. Den transcurso di siman nos lo informa comunidad di Aruba riba e ultimo desaroyonan.