Diaranson den oranan di mainta por a tuma nota cu personalnan di DOW tabata trahando dilanti St Antonius College. Esaki ta relaciona cu ponemento di un verkeersplateau/verkeersdrempel, pa asina automobilistanan por baha velocidad dilanti e scol y hasta pa laga muchanan crusa si tin mester. Esaki ta e iniciativa di parti di Gobierno cu ta poniendo seguridad den trafico na tur scol como prioridad.