Sr. Frank Benita a splica mas di e desaroyonan cu tin pa cu e awa di lama cu awo ta bay den e saliña na Santo Largo.
E trabaonan a cuminsa na Maart, ora cu e team a subi bay den field pa drecha e tuberia na Santo Largo, y esaki ta e parti pariba. Despues cu a constata cu tin tuberia cu ta kibra, probablemente door di companianan di utilidad a haci trabaonan riba kabel di voltahe halto.
Unabes a cu a ripara esaki, e team a set up y a tira cuater tubo di 10″ , crusando e caminda. Esaki ta pa garantisa cu e fluho di awa ta constante den sentido cu ora cu lama ta subi, e awa por bay den e saliña y vice versa. Despues e team a sali diasabra y diadomingo ultimo, den cooperacion hunto cu WEB cu a prepara e trabao diabierna, nan a coba e caminda, unda cu nan por a wak nan kabel, y asina evita cu DOW ta dal den nan kabelnan.
Sr. Benita a sigui bisa cu DOW a haci e preparacionnan pa diasabra y diadomingo a cuminsa manda e tubonan den e canal, na e parti pabao di e dos di pasada di awa den e bocht. E team di DOW a cuminsa ta pasa e tubo unda nan a bin haya nan den un tubo, cu no kier a sali otro banda, a dicidi e ora pa habri e caminda mas y WEB a habri e caminda 2 m mas. A bin constata cu e liña no ta core straight, causando cu e tuberia ta pega, nan a drecha esaki y na final di dia, nan a haci e camindanan limpi y e ora DOW a ripara cu e fluho di awa den e saliña a cuminsa mehora. Awo cu e condicionnan lo ta bek manera y lo tin cu wak kico ta bay pasa cun’e , prome cu mecanicamente manda awa den e saliña, segun Sr. Benita di DOW.