ALMERE, Hulanda – FIOD (Fiscale inlichtingen- en opsporingsdienst) a detene diamars un homber di 44 aña den su cas na Almere, cu e sospecho di labamento di placa. Den dak di un ambulance cu e sospechoso kier a exporta pa Suriname, a bin haya 2 miyon di Euro. E ambulance tabata para hunto cu un Jaguar nobo riba pier na Vlissingen pa wordo exporta.
E compania di auto cu ta percura pa e transporte di e ambulance y Jaguar, ta ofrece riba su website diverso autonan caro na benta, pero no ta duna e ganashi na Servicio di Impuesto. Ta di supone cu e compania ta laba plata door di exporta autonan caro y placa pa Suriname.
Cu excepcion di e ambulance, tambe un deposito y e cas di e sospechoso na Almere a wordo ristra. Un cacho di Douane a descubri den e dak di e ambulance e 2 miyon di Euro den biyete di 500 Euro. E plafond di e ambulance a wordo habri. E placa tabata scondi den dos saco di plastick.
Cu excepcion di e placa, e ambulance y e Jaguar a wordo confisca. E Investigacion door di FIOD ta bao di guia di Functioneel Parket.
Fuente: 112 Vandaag