E tarea primordial di Douane ta pa cobra invoerrechten & accijnzen. Nan ta traha cu e buki di ley, cu ta e Landsverordering In, Uit en Doorvoer. Sr. Roderick Croes, director di Cuerpo di Aduana ta amplia mas.
Nan ta eherce nan tarea non fiscal tambe. Nan tarea non fiscal ta para productonan cu ta prohibi pa drenta Aruba. Banda di dje, nan por haci trabaonan na costa tambe y nan ta bezig ta haciendo e trabao aki, conhuntamente cu tur e otro stakeholdernan. Douane ta coriendo cu polis, nan ta coriendo un kustsurveillance. Tur anochi Douane cu Polis ta sali den e oranan laat di anochi. Nan ta sinta cu Guarda Nos Costa tambe, con pa coordina esaki miho. Pero e tarea primordial di Douane ta keda e cobramento di invoerrechten & Accijnzen.
E buki mas importante di Douane, ta in, uit – en doorvoer. Banda di esey ta traha cu e Bijzondere Verordering tambe. Bijzonder, dor cu ta leynan cu en principio ta cay pa otro hende, pero door cu ta na costa, nan tin e bevoegdheid tambe pa e leynan aki. Y ta yuda cu esaki unda cu por.
Den diferente setting, ta conoci cu Douane cu otro instancianan a sinta cu e reapertura di e frontera cu Venezuela, pa wak con ta haci e control miho, di e parti di maritimo, unda cu e botonan ta drenta legal. Banda di esaki, Douane ta forma parti tambe di e fusion center, cu ta encera e otro stakeholdernan. Tambe tin e Afpakteam cu Douane ta forma parti di dje. Y aworaki, na PG tin e Grensbeveiliging, unda cu ta sinta hunto den un setting cu tur e stakeholdernan cu ta trahando na frontera pa wak con ta cera nos fronternan miho. E ta Guarda Nos Costa, Douane, Inmigracion y a sinta hunto cu Directie Scheepvaart, Directie Luchtvaart pa wak con ta cera e frontera miho.
En principio ta wordo yama pa solamente productonan, un polis di productonan. Nan ta controla e tarifa y e balor, y banda di esaki, nan tin cu pone su hendenan unda tin e prioridad. Nan tin cu trece placa aden, parti’e, balans’e y wak con ta traha hunto cu e stakeholdernan pa wak con ta cera e frontera.
Douane cu polis hutno ta haci kustsurveillance. Unda e bevoegdheid di uno ta caba, e di otro ta cuminsa. Ta coordina cu Kustwacht tameb pa asina wak con e trabaonan mester wordo haci, segun Sr. Roderick Croes, director di Cuerpo di Aduana.