Fin di aña ta yegando y Douane ta sugeri pa tur hende regla nan papelnan na tempo, pa asina por saca nan carganan na tempo. Sr. Roderick Croes, director di Douane ta splica mas di e proceso aki.
Tur hende kier defende nan negoshi y ora proceso tranca, semper ta Douane ta carga e culpa, cual Sr. Croes ta haya poco fastioso. Desde 2014, Douane tin e sistema di Asycuda, cu ta haci posibel di inklaring (di e barco) online. Manera cu esaki sosode, nan por haci e declaracion di biaha.
Si e barco no yega Aruba mes, ya cu e por wordo ingeklaard caba. manera cu esaki sosode, ta haci declaracion y manera cu e barco yega, si tur cos ta na ordo, e carga por wordo saca di biaha. Pa loek ta e control, Douane tambe ta evaluando kico ta evalua y con ta evalua, cual ta bayendo hopi bon. E ta drechando y Douane ta dunando curso na e brokernan. Y esaki ta pone cu awo tur e declaracionnan ta bin sin fout, di modo cu awo, enbes di drecha fout di otro, Douane ta haya chens di haci su control manere mester ta. Tambe Douane ta bezig ta upgrade e Asycuda, lo bin cu’n portal unda cu por haya tur e informacionnan ariba dje y asina ta purba di baha e tempo cu e compania ta haya su carga.
Lo haya carganan cu lo bay via aerocargo, via aereo cu ta paga mas placa pe pa e yega lihe y e control no pro tuma mas di 2 dia. Den un dia e control mester wordo haci pa asina e carga por wordo laga liber.
Pa fin di aña, Douane lo haci propagando, lo encurasha tur hende pa busca nan papelnan trempan y ta druk pa tur hende. Hopi hende ta laga te na ultimo pa asina haci nan pedido, y Sr. Roderick Croes ta pidi pa tur hende haci nan pedido nan tempo pa asina no tin tiramento di culpa ariba otro si e carga no sali na tempo.
Por ultimo, Sr. Roderick Croes, director di Douane, a bisa cu actualmente ta dunando e di tres declaranten cursus y nan ta haya hopi bon feedback. Door di cursonan cu ta duna na e brokernan, ta pone cu e trabao di Douane ta bay bira mas lihe, ya cu enbes di drecha foutnan cu ta wordo haci, door di cambia y manda bek, pa bolbe ricibi pa controla, awo ta contola so.