Ultimo temponan e situacion pa locual ta trata e balseronan, ilegalnan cu ta drentando via nos costanan, ta caba un problematica grandi pa nos pais. Sr. Eduard Maduro, lider di sindicato SADA ta amplia.
E mesun problema di airport. E mesun problema di airport di marduga, ta bin bek ariba esazki, E ideanan di SADA cu nan a purba señala na managemente team y na e minister di Finanzas, cu no tabata kier a tende e parti aki. E cuestion ta di mantene e wardanan di 12 pa 8 na airport, tabata mas bien pa coy e personal cu ta subi 12 – 8 pa pone nan na control na frontera. E minister di Husticia a bisa cu Kustsurveillance ta controlando nos costanan, pero tur hende sa cu e falta di personal pa Douane, Polis ta grandi. Pero tur por haci e trabao. Pero ora ta corta den personal marduga cu por a haci, pero e personanan ey, cu enb erdd no tin vuelo marduga, por pone nan na Kustsurveillance, ya cu si tin 10 hende coriendo costa, cu 3 of 4 patruya no por cera e costa hermeticamente.
E situacion na Venezuela ta empeorando dia pa dia. Tur dia ta haya e botonan, pero no e ocupantenan. Pero si tin mas hende na postnan na luganan strategico, p.e. Cu postnan strategico, e ora por uza ambtenaarnan cu ta traha 12-8. Aki ta unda cu tin problematica, ya cu a sinta algun biaha cu SPA, y prome cu cambio di gobienro, tabata tin reunion cu FTA mirando cu nan tambe ta preoucupa cu e siguridad nacional.
Ora cu tin un persona cu no ta compronde cuestion di siguridad nacional, bayendo ciegamente tras di un Management Team, cual tin un cuerpo demotiva. E cuerpo no ta de acuerdo cu esaki. Ademas di genera placa pa caha di gobierno, nan tin un tarea primordial como Douane. Rond mundo esaki ta asina. E duidelijk y nan tin leynan cu ta back nan up. Ora cu ta tende cu ta capricho of malcria, Douane ta wak nos siguridad nacional. Ta cosnan cu a bin ta señala di hopi tempo caba. Danki na Sindicato SADA, 2 aña pasa ora cu a mustra e minister e tempo ey, cu nan kier a haci e trabao di costa, esaki a zorg pa agrega Douane den e vierhoekse overleg, cual despues a bira zeshoekse overleg. Pero dos aña Management Team di Douane a sinta den reunionnan, preparando pa cuminsa, a bin resulta cu no tin nada regla, no tin material, no tin personal, niun tipo di plan di plan di maneho drechi hinca den otro. Si Kustsurveillance cuminsa, cu Douane mester cuminsa cun’e, pero a resulta cu no tin nada prepara. Ta parce cu deliberadamente no kier pa gobierno haci e trabao di control di costa. Pa dos aña gobierno a sinta den e reunionnan di Kustsurveillance. Pero nada no a wordo haci pa nan. Douane tin dos tarea, uno pa genera placa pa caha di gobierno y parti non-fiscal.
SADA ta sinti cu e director di no kier pa Douane controla nos costanan, ay cu e temporada cu e costanan tabata cera, a bisa e director cu esey ta e momento ideal pa cuminsa pasa e personal di Douane na Barcadera, pa Kustsurveillance, pa nan gana experiencia. Pero e director a dicidi otro, pa laga e personal sinta por nada of yuda, aki of aya cu’n container, sea pa complace of boost economia. Por tin un economia florescente, pero si arma of droga ta drenta na gran escala, e mesun placa ey cu ta hinca den placa di gobierno, te mesun palca mester hinca bek, pa cuida presonan fo problemanan social ta bay aumenta. Dus e placa genera ey, tin cu sak’e di otro banda. Ta comosifuera ta mop cu kranchi awa habri.
E leiding cu tin awo, kier move e trabao Douane solamente pa e parti fiscal. Mescos ta Douane Recherche, antes Douane Recherche tabata menos bisto pa locual ta controlnan non-fiscal. Tur hende por wak den prensa, comparando awendia cu 6 añanan pasa. Aworaki Douane no ta score mucho mas na aiport, pasobra cu ta focus mas tanto ariba e parti fiscal. Esaki ta algo hopi duidelijk pa tur hende, segun Sr. Eduard Maduro, lider di sindicato SADA.
