Nos costanan ta keda vulnerabel, specialmente cu e situacion explosivo cu e pais bisiña ta pasando aden. Esaki ta un di e motibonan tambe pakico e pensamento cu miembronan di e Cuerpo di Aduana tambe lo por yuda reenforsa e cuido di nos costanan. Sr. Robert Candelaria, miembro di fraccion di AVP den Parlamento, ta splica mas ariba e tema aki.
Douane semper a cay bou di un otro ministerio, cual ta esun di Finanzas. Antes e tabata forma parti di Belastingdienst, pero awo e ta un cuerpo ariba su mes. Pero esey nunca a stroba di traha hunto cu Kustwacht riba Kustsurveillance. Antes, Cuerpo Policial hunto cu Aduana y Kustwacht hunto cu tabata forma un team, caminda cu cada disciplina tabata tin cierto autoridad legal cu Douane tin cu polis no tin, y vice versa. Esey por complementa y fortifica control na nos frontera.
Ceramento di nos frontera cu no ta algo cu mester hinca politica cun’e. Esey a wordo bisa na e minister Bikker den e Comision di Husticia y tambe den parlamento. Pero mester busca manera con pa yuda otro, pa asina yega na un manera cu tur hende ta safe. No ta cuida nos frontera solamente pa cierto personanan so, pero ta pa henter e pueblo di Aruba.
A puntra tocante prioridadnan na Kustsurveillance, esaki no ta poni na prome luga. Sr. Candelaria ta kere cu ainda por aloca hende den e departamento aki, tanto den material como den cooperacion. E problema nr.1 ta cu hende ta drenta den forma ilegal. Tin cu ta trece arma, droga y otro cosnan contra ley. Lo mester move shelo y tera pa zorg pa tur loke ta na alcance ta haci’ e pa cera frontera. Den pasado a yega di bisa cu e forma cu kier a haci uzo di e cooperacion di Marina Real, Sr. Candelaria no ta di acuerdo cun’e. Si a zorg pa bin cu bijstand cual gobierno anterior a bin cun’e, y mr. Bikker a sigui cun’e. E ora tin mas hende disponibel pa haci e tarea aki. pero sigur ta keda ariba e punto cu e mester bay hunto cu Kustwacht y Douane. No solamente pa tin e cantidad di hende, pero tambe e forma con ta ‘zet nan in’.
Sr. Candelaria a sigui bisa cu a tarda asina hopi tempo pa pone e vehiculonan cumpra den uzo, a tarda. Pero e forma con ta reparti esakinan na nos frontera, mester ta a base di inteligencia, nan mester ta bon reparti. E strategia mester ta uno moderno, cu por zet nan in rapidamente pa asina haci e buraconan aki mas chikito mas rapido posibel. Door di cu e presupuesto a wordo aproba te na April, pa cual cu e ‘timeframe’ ta bira menos. Pero ta cuestion di prioridad nr. 1 y mester move shelo y tera pa realisa esaki. Cu e minister ta bezig cun’e awo, si ta di aplaudi. Pero toch ta enfatisa cu cierto cosnan mester bay mas lihe y mas eficiente, mas enfoca ariba e meta.
Na varios ocasion sindicato di Douane a indica, cu’n parti di nan trabao no ta wordo cumpli. Y esaki lo mester ta punto di agenda nr. 1 den ministerraad pa e siguiente reunion. Pero esaki no ta prome biaha cu e ta wordo treci dilanti. Un punto cu si atrobe, despues di awe e punto aki no wordo poni nr. 1 ariba agenda, lo bay uza middelen pa trece. Pero si gobierno ta bisa cu siguridad di e pueblo, ta nan prioridad, den oposicion ta trece esaki dilanti, ta e parlamentario cu ta sostene e gobierno, mester hala e minsiter en cuestion bin aden cun’e pa esaki wordo trata. No ta trata di inventa e wiel di nobo, ta algo cu t’ey caba, segun Sr. Robert Candelaria, di fraccion di AVP den Parlamento.