Douane cu introduccion di “Go Live”

Departamento di Aduana ta anuncia na tur su clientenan cu entrante 1 di September proximo, Douane ta introduci oficialmente y ta “go live” cu e “Electric payment processing in Asycuda” (E.P.P.A). Esaki ta un forma di pago electronico.
E benificio pa e cliente aplicando e sistema aki ta cu e cliente por haci su transacion di pago na Douane electronicamente via banco, Banco ta manda un file di tur pago pa Douane cual ta wordo reconcilia automaticamente den e sistema di Asycuda.
Tin 2 posibilidad di pago cu por wordo haci pa cu e sistema aki. E kliente por paga por medio di un transacion usando e opcion di “on-line banking” of e cliente por haci e transacion di pago personalmente na banco. Mester tene na cuenta cu tur cobransa di Departamento di Aduana den Asycuda tin un “Unieke betalingskenmerk”. Esaki ta un secuencia di cifra unico cu ta wordo usa pa por haci e “match” di e pago automaticamente den Asycuda.
E aspectonan di sumo importancia cu e cliente mester tene cuenta cun’e ta cu nan tin cu scoge prome e opcion “Bill payment” despues Departamento di Aduana y tin cu yena “Unieke betalingskenmerk”, y e suma of montante di pago corecto di e cobransa(n).
Si e cliente aplica e informacion menciona debidamente, e transacion di pago lo wordo procesa electronicamente y manera cu e pago drenta den e sistema di Asycuda, e cliente lo ricibi un notificacion via e-mail. E e-mail lo contene e recibo di pago y e cliente lo haya e facilidad e ora ei pa print su “wegvoeringsdocument”.
Introduciendo e metodo di pago electrónico nobo aki na Departamento di Aduana ta trese cune cu entrante 1 di September proximo no ta acepta placa efectivo ni cheques mas na e oficinanan di Douane. Ta acepta pago unicamente via di e metodo electrónico.
Ta pidi pa tur cliente tuma bon nota di e cambio aki pa evita cualkier inconvenencia cu por surgi. Aki ta sigui e cuenta di banco di Departamento di Aduana.
Aruba Bank NV: 260.366.0190
Banco di Caribe: 82582501
C.M.B: 63647201
R.B.C: 7700000100142452
Pa cualkier pregunta tocante e procesamento di pago via di e sistema E.P.P.A por contact Asycuda Team na 5238818 of por manda e-mail na [email protected]

Comments

comments