VLISSINGEN, Hulanda- Diabierna douane a intercepta 700 kilo di cocaina durante un control na un compania den waf di Vlissingen. E droga tabata parti den 48 pallet y tabata scondi den cahanan di banana.
Douane a haci uzo di cachonan anti-droga durante e accion. E droga a wordo destrui. No tin niun aresto haci. E palletnan di droga tabata den un barco procedente di Suramerica.
Durante dos control mas trempan den siman na Vlissingen, douane a tuma un total di 800 kg cocaina den beslag. Mita di e droganan a wordo haya den waf.
Diaranson otro 400 kg cocaina a wordo haya durante un control di algun pallet haci door di douane na un compania na Vlissingen.