CIENCIA
Investigadonan Frances a anuncia e descubrimento di dos virus desconoci na Brazil cu door di su complehidad genetico y tamaño e por desafia e idea actual cu ciencia tin riba e tipo di microorganismonan aki, segun Science Alert.
E dos reisnan acuatico a wordo batisa como e tipo di Tupanvirus, den honor di e dios di strena, Tupa di e mitologia Guarani, despues di a wordo haya den un lago di awa alcalina y den oceano profundo.
E virus no solamente ta mas grandi hamas haya, sino cu tambe e ta un di esunnan cu ta produci un cantidad mas grandi di proteina di entre tur esunnan descubri te cu awo. E reisnan por alcansa te cu 2.3 micrometer di longtitud, ta dispone di casi 1.5 miyon di paar di DNA y ta capaz di sintetisa te cu 1425 tipo di proteina.
E dos virusnan gigante ta pertenece na e famia di Mimivirus. Te cu awo, cientificonan tabata kere cu e ehemplarnan di e famia no tabata capaz di sintetisa proteina y di produci asina tamba su mesun energia.
E genetica compleho di dos Tupanvirus a desafia e limite teorico, debi cu ambos organismo a resulta di ta capaz di drecha, replica, transcribi y traduci nan mesun DNA.