Despues di un periodo di investigacion, gerencia di NV Elmar a dicidi cu ta termina e suspension di e dos empleadonan. Entre tanto, e investigacion a termina, y e dos empleadonan aki lo reanuda nan trabao dialuna.
Sr. Diego de Cuba, di sindicato STA a informa cu e noticia aki a wordo confirma door di gerencia di NV Elmar. Si ta asina cu e empleadonan lo bay fungi un funcion. Locual cu a pasa no tabata tin nada di fraude den e caso aki. Ora cu esaki a sali na cla, gerencia hunto cu e directiva a tuma e miho decision, pa paz laboral keda reina.
Sindicato STA, despues di a lesa e carta, camidna cu ta informa di e suspension di nan miembro, cu tabata un di empleadonan cu tabata suspendi, a sali na cla cu e gerencia anterior a viola e contrato colectivo vigente totalmente. El a keda sin aplica articulo 6, tampoco articulo 39 te cu 43 cu tambe mester a wordo aplica, den casonan den disputa. STA ta haya esaki un violacion di e contrato colectivo. Kisas dor di esaki, e gerencia a bisa cu dor di e violacion, e empleadonan mester wordo reanunda na trabao.
E hendenan aki tin 6 luna nan cas, y esaki ta un tortura mental. E cos aki ta keda manera un trauma. Na final di cuenta, paz laboral lo keda reina y lo keda reina tambe. Si tin hopi cos cu mester wordo drecha. Y ya caba ta bezig cu esaki. Tin cu drecha tur locual cu mester wordo drecha y atende cu asuntonan cu no tabata bay bon cu e gerencia anterior.
E trahadonan aki nan salario a keda core normal durante nan suspension. Si nan tin cambio den nan posicion. Esey no ta importante pa STA, pero importante ta pa nan bay bek na pia di trabo. Ta spera cu cosnan asina no ripiti mas, y den caso cu algo asina sosode, ta spera cu gerencia y sindicato sinta na mesa pa yega na un solucion.
NV Elmar lo bin cu reglanan di compania cu tur hende lo mester atene nan mes na dje. Y pa evita cu escenanan manera esaki por ripiti den futuro. Te asina leu, Sr. Diego de Cuba, lider di sindicato STA.