TOKYO, Japon – E isla Japones di Hokkaido a wordo sacudi diaranson pa dos temblor fuerte, segun e Servicio Geologico di Merca (USGS).
E prome temblor tabata di magnitud 6.6 a wordo sinti pa 3 or di marduga di diahuebs y tabata situa na casi 26 km di Chitose. E centro tabata localsia na 31 km di profundidad. E di dos temblor di magnitud 5,3 a bin pa 3 or y 20 na algun km leu di e prome temblor. Su epicentro tabata localisa na 37 km di profundidad.
E deslisamentonan di tera door di e temblornan simultaneo door di e dos temblornan cu a asota e isla Japones, Hokkaido, a provoca un serie di derumbenan masivo di casnan den e zonanan afecta, medionan local a informa.
Segun e medio Japones, un gran cantidad di casnan ubica na pia di un cadena di ceronan a keda dera despues di e temblor, cu a costa bida di al menos un persona. Mientras, tres otro persona a resulta herida. Cerca di 3 miyon hogar a keda sin coriente.
Expertonan a adverti cu e riesgonan di replica durante e proximo shete dianan, como tambe e colapso di otro edificionan cerca di e e epicentro. Ekiponan di rescate a wordo desplega pa luga di e temblor.