Dos strea di Ajax futbol femenino ta pasando vakantie na Aruba.

Actualmente ta na Aruba Kelly Zeeman y Soraya Verhoeve, dos strea di e ekipo di futbol profesional femenino di Ajax. Kelly, un mediocampista, ta recuperando di un operacion cu e mester a haci pa drecha un rudia cu el a lesiona dia 10 di october durante un training. “Esaki ta un tremendo perdida di sanger pa e ekipo…” segun e trainer Benno Nihom. “Nos ta papia di lunanan perdi”. Entre tanto el a firma un contrato nobo te ku temporada di 2020. Kelly ta miembro tambe di e seleccion nacional di Hulanda. El a yega di hunga den 24 wega internacional pa e ekipo di Hulanda. Den uniform di Ajax e ta carga number 17, den e seleccion Hulandes e tin number 3.

Soraya ta atacado di e ekipo Ajax y uzando number 11 el a hunga pa e seleccion Nacional O19 (di edad bou 19 aña) na e EK – Copa Europeo 2016 na Slovakia. E final di e mes un aña Soraya tambe a lesiona su ligadura interno di rudia y e mester a perde como nuebe luna di wega. Esakinan tabata lunanan dificil y penoso, fisicamente y psicologicamente. Segun Soraya, no tin cos pas doloroso pa un deportista pa mira su compañeronan subi tereno pa compiti den un Soraya ta uza uniform di Ajax number 18.
Den un programa di TV na Hulanda na October di aña pasa Soraya a mustra un orguyo di tin sanger Arubiano y el a duna Aruba bon publicidad turistico.

Soraya y Kelly ta pasando dos siman na cas di Willem y Lieneke Bant-Koopmans, bon amigonan di mama di Soraya. Willem Bant ta docente di Spaño y Hulandes na Colegio Arubano. Lieneke ta esun cu ta haci e electrocardiogramnan na e clinica di Doctornan Fingal y Chen. Lieneke tambe ta traha di voluntario na e hospice “Atardi”.

Como miembro di e seleccion Hulandes cu a gana e copa Europeo pa di prome bes na aña 2018, Kelly Zeeman tambe a ricibi e decoracion di Ridder in de Orde van Oranje Nassau.

Nos ta desea Soraya Verhoeve y Kelly Zeeman un vacantie placentero y relahante na Aruba.

Manda bo comentarionan na clydeharms@yahoo.com

Comments

comments